Мемлекет басшысы: Ұлттық қордың қаржысын тиімсіз жұмсау тоқтатылады
Мемлекет басшысы Қазақстан Жолдауында Ұлттық қордың қаржысын тиімсіз жұмсау тоқтату өте өзекті мәселе екенін ескертті.
«Ұлттық қордың қаржысын тиімсіз жұмсау тоқтатылады. Бұл – өте өзекті мәселе. Қордың қаражатын аса қажет инфрақұрылымды дамытуға және еліміз үшін маңызы зор жобаларды қаржыландыруға жұмсаймыз. Бюджет үдерістерін барынша жеңілдету қажет. Мемлекеттік органдардың игерілмеген қаражатты келесі жылға қалдыруына мүмкіндік беру керек. Сол арқылы олар ақшаны бюджетке қайтарудың тиімсіз тәртібінен құтылады. Сонымен бірге, бюджетке қатысты тәуекелдерді басқару жүйесін іске қосу керек. Бұл жүйе квазимемлекеттік секторды да қамтуға тиіс», – дейді Қасым-Жомарт Тоқаев.
