Жаңақорған ауданының жұмыссыз жастары, демалыстағы студенттер мен жоғары сынып оқушылары маусымдық жұмыспен айналысып, мемлекеттік қолдауға ие болуда. Жасыл елдің алғашқы легі мамыр айының соңынан басталып, қазіргі уақытта 40-тан астам жас қатысып, тынымсыз еңбектенуде. Қазіргі уақытта кент орталығындағы А.Иманов көшесінің бойын қоқыс пен тікен шөптерден тазалап, кенттің көрінісін келбеттендіре түсуде.

Осылайша, аудан жастары жазғы демалыс уақыттарын тиімді жұмсап, табыс тауып, әрі рухани кемелденіп сауапты істерде бастары бірігуде. Әр маусым жұмыстары аяқталғанда, қызықты team building ұйымдастырылып, үздік еңбекші жастар алғыс хаттармен марапатталатын болады.

Алдағы шілде, тамыз айларына жұмыс жасауға ниет білдіруші барша жастарды тіркеп, тізімге алуда. Толық ақпарат алу үшін 8 707 139 9596(Асхат) тел номеріне хабарлассаңыздар болады.