№97 (8601) 6

06 желтоқсан 2022 ж.

№96 (8600) 3

05 желтоқсан 2022 ж.

№95 (8599) 29

29 қараша 2022 ж.

Жаңалықтар мұрағаты

«    Желтоқсан 2022    »
ДсСсСрБсЖмСбЖс
 1234
567891011
12131415161718
19202122232425
262728293031 
» » МӘСҚ: Ана мен баланы қолдау мақсатында қанша қаржы төленді

МӘСҚ: Ана мен баланы қолдау мақсатында қанша қаржы төленді


2022 жылдың бірінші тоқсанының қорытындысы бойынша Мемлекеттік әлеуметтік сақтандыру қорынан (бұдан әрі – МӘСҚ) 59,2 мың әйел жүктілікке және босануға, жаңа туған баланы (балаларды) асырап алуға байланысты табысынан айырылған жағдайда жалпы сомасы 33,9 млрд теңгеге әлеуметтік төлем алды, деп хабарлайды Egemen.kz Еңбек және халықты әлеуметтік қорғау министрлігінің баспасөз қызметіне сілтеме жасап.
1 жасқа дейінгі бала күтіміне байланысты табысынан айырылған жағдайда 42,6 млрд теңге сомасында 423,5 мың адам әлеуметтік төлем алды. 
Жүктілікке және босануға байланысты табысынан айырылған жағдайдағы әлеуметтік төлемнің мөлшері соңғы жылдағы жұмыс істейтін әйел үшін МӘСҚ-қа келіп түскен әлеуметтік аударымдар мен еңбекке қабылетсіздік күндерінің санына байланысты болады.
Екінші төлемді алудың негізгі шарттары – кірісті жоғалту және бала 1 жасқа толғанға дейін нақты күтім жасау. Төлем мөлшері баланың туған күніне дейінгі соңғы 2 жыл ішінде МӘСҚ-ға әлеуметтік аударымдар түскен орташа айлық табыстың 40% - ын құрайды. Бұл ретте осы төлемнің ең төменгі мөлшері жұмыс істемейтін әйелдерге тағайындалатын 1 жасқа дейінгі бала күтімі жөніндегі осыған ұқсас ай сайынғы мемлекеттік жәрдемақының мөлшерінен кем болмауға тиіс.
Ең жоғары мөлшер ең төменгі жалақының жеті еселенген мөлшерінің 40% - ынан аспауы тиіс. Әлеуметтік төлемдерден 10 % міндетті зейнетақы жарналары ұсталынып, әлеуметтік төлем алушының Бірыңғай жинақтаушы зейнетақы қорындағы шотына аударылады.
21 сәуір 2022 ж. 262 0