МЕДИАЦИЯ САЛАСЫ ҚОС ТАРАПҚА ТИІМДІ

Жаңақорған ауданында және аудандық сотта «Медиация туралы» Заңының қолдану ауқымы кеңейгенін көруге болады.

Медиаторлар жұмысының қажеттілігі мен белсенділігі күннен-күнге артып келеді. Әсіресе араздасқандарды татуластырудың тиімді тәсілдерін жетілдіру арқылы сотқа дейінгі және соттағы бітімгершілік процесін жүзеге асыруда медиация қызметі керек.

Отбасыларда жиі орын алатын ерлі-зайыптылар арасындағы араздықты, отбасының басқа да мүшелері арасындағы дау-дамайды оңтайлы шешуде медиация қызметінің ықпалы зор.

Бүгінде халықаралық тәжірибеде медиация бітімгершілікке бастайтын ең тиімді тәсіл ретінде танылып отыр.

Сөзіміздің дәлелі ретінде, аудандық соттың өндірісіндегі Қазақстан Республикасы ӘҚБтК-нің 73-2 бабының 1-1 бөлігімен азамат М-ға қатысты әкімшілік құқық бұзушылық туралы іс қаралды.

Іс құжаттарынан анықталғандай азамат М., Жаңақорған кенті Жапппаров көшесінде орналасқан тұрғын жайда жұбайы М-ны ұрып-соғып, тән ауруына ұшыратқан, бірақ денсаулығына жеңіл зиян келтіруге әкеп соқпаған әрекетті жасаған.

Сотта азамат М., өз кінәсін мойындап, жұбайы М-мен қазіргі кезде медиация тәртібімен татуласқанын және жәбірленуші азамат М-ға кешірім беретінін онымен медиация тәртібімен татуласқанын көрсетті.

Аудандық соттың қаулысымен өзіне қатысты іс жүргізіліп жатқан тұлға М-ге қатысты Қазақстан Республикасы ӘҚБтК-нің 73-2 бабының 1-1 бөлігімен қозғалған әкімшілік құқық бұзушылық туралы іс жәбірленушімен медиация тәртібімен татуласуына байланысты тоқтатылып, ол жауаптылықтан босатылды.

Ақпарат: Жаңақорған аудандық сотының баспасөз қызметі.