Қуаныш жан шуағы
«Жерде бір бала қуанса, көкте мың періште шаттанады», – демекші 2021 жыл Ыбырай Алтынсарин көшесінің балаларына базарлықты «Жаңарған Жаңақорған жастары» қоғамдық қоры сыйлады. Қайырымды, қайырлы азаматтардан құрылған қоғамдық ұйым Алтынсарин аумағында ойын алаңын салды. Бүгінде алтынсариндік жасөспірімдер мен балалардың бос уақытын тиімді өткізуіне мүмкіндігі мол. Қоғамдық қордың бұдан өзге де қайырлы істері көп. Мәселен, биыл әлеуметтік жағдайы төмен отбасыларға 30 тонна көмір түсіріп берсе, 25 үйді азық-түлікпен қамтамасыз етті. Өткен жылы бес тұрмыстық жағдайы төмен отбасын баспанамен қамтамасыз етсе, биыл бір үйді тұрғызып, бір шаңыраққа қуаныш сыйлады.
