«Нұрлы шуақ» әйелдер жамағатының тындырымды тірлігі
Президент Қасым-Жомарт Тоқаев 2020 жылы еріктілер қозғалысын дамытуға мән берді. Әрине қазақ қоғамында волонтерлік қызмет ерте заманнан қалыптасқан. Оның дәлелі, асарлата үй, қора-қопсы салғанын бала кезімізден талай куә болдық. Сананы нарық билеген заманда да қайырымды істерді естіп, көріп жүрміз. «Нұрлы шуақ» әйелдер жамағатының тындырымды тірлігін осы санатқа қосуға болады. «Жаңарған Жаңақорған Жастары» қоғамдық қоры ұйытқы болған бастамаларға дем беріп, белсенділік танытып жүретін әйелдер жамағаты көңілі қаяу жандарға, жаратылысынан ерекше туылған балаларға, қамқорлықсыз қалған аналарға қол ұшын беріп, қуаныш сыйлауды әдетке айналдырды. 
Айт кезінде «Алақай, айттық тәттілері!» акциясы аясында 50 отбасыға торт, пицца мен тәттілер үйлестіріп, мерекелік көңіл күй сыйлады. Ал 1 маусым – Балаларды қорғау күнінде орталық алаңдағы 400-ден аса балаға балмұздақ таратты. Шараға ұйытқы болған Мұқаш Гүлімай:
– Қоғамдағы кез-келген жайтқа бей-жай қарай алмаймыз. Сондай ойдан туған бастама. Бүгінде қоғамда белсенді жастар көп. Оларды ортаға тартып, жұмылдыра іс бастау алғашында қиындық туғызғанымен, ізгілікке ұмтылған жасардың арқасында ісіміз алға басуда. Әр атаулы күндері отбасыларға арнайы соғып, қуаныш сыйлап, сол арқылы бақытқа кенелеміз. Жанымыз да осы істен рахат табады. Бұл тек бір адамның қолынан келетін шаруа емес. Жұмыла көтерген жүктің жеңілдігін ескерсек, әрбір жанның еңбегін айту ләзім, – деді.
Оның сөзінше, азық-түлігіне ақшаны там-тұмдап жеткізіп отырған жалғызбасты жас аналардың өмірге құштарлығын оятып, белсенділігін арттыруға болады. Дегенмен, толыққанды отбасы болса да, аяқ-қолы балғадай сау бола тұра алақан жайғанын көріп қатты қынжыласың. Қай заманда да екі қолға бір күрек табылады ғой! Қайырымдылық істері барысында осыны жас отбасыларға түсіндіріп жүреді екен.
Қазақта, «Қайырым жасасаң, қайырын өзің көресің» деген дана сөз бар. Осы жерде «Өзін ғана ойлаған, Жамандықтың белгісі. Өзгені де ойлаған, Адамдықтың белгісі», – деген өлең ойыма оралып отыр. Бабаларымыз жомарттығы мен қонақжайлығы, өзінен де бұрын өзгені ойлап, төрін ұсынып, барын алдына қойғандығынан да болар, ұрпақтар сабақтастығы бүгінде көрініс беруде.
Жақсылыққа жаны құмар, қайырымдылықтан көңілдері қанаттанатын әйелдермен жүздесіп, дидарласып, көңілім марқайып, ерекше шабыт алып қайттым. «Нұрлы шуаққа» топтасқан әйелдер қайырлы істерін жазбауды өтінді. Бірақ өзгелерге үлгі-өнеге болсын деген ниетпен мақалаға арқау еттік...
Әйгерім МЫРЗАХМЕТОВА
Айт кезінде «Алақай, айттық тәттілері!» акциясы аясында 50 отбасыға торт, пицца мен тәттілер үйлестіріп, мерекелік көңіл күй сыйлады. Ал 1 маусым – Балаларды қорғау күнінде орталық алаңдағы 400-ден аса балаға балмұздақ таратты. Шараға ұйытқы болған Мұқаш Гүлімай:
– Қоғамдағы кез-келген жайтқа бей-жай қарай алмаймыз. Сондай ойдан туған бастама. Бүгінде қоғамда белсенді жастар көп. Оларды ортаға тартып, жұмылдыра іс бастау алғашында қиындық туғызғанымен, ізгілікке ұмтылған жасардың арқасында ісіміз алға басуда. Әр атаулы күндері отбасыларға арнайы соғып, қуаныш сыйлап, сол арқылы бақытқа кенелеміз. Жанымыз да осы істен рахат табады. Бұл тек бір адамның қолынан келетін шаруа емес. Жұмыла көтерген жүктің жеңілдігін ескерсек, әрбір жанның еңбегін айту ләзім, – деді.
Оның сөзінше, азық-түлігіне ақшаны там-тұмдап жеткізіп отырған жалғызбасты жас аналардың өмірге құштарлығын оятып, белсенділігін арттыруға болады. Дегенмен, толыққанды отбасы болса да, аяқ-қолы балғадай сау бола тұра алақан жайғанын көріп қатты қынжыласың. Қай заманда да екі қолға бір күрек табылады ғой! Қайырымдылық істері барысында осыны жас отбасыларға түсіндіріп жүреді екен.
Қазақта, «Қайырым жасасаң, қайырын өзің көресің» деген дана сөз бар. Осы жерде «Өзін ғана ойлаған, Жамандықтың белгісі. Өзгені де ойлаған, Адамдықтың белгісі», – деген өлең ойыма оралып отыр. Бабаларымыз жомарттығы мен қонақжайлығы, өзінен де бұрын өзгені ойлап, төрін ұсынып, барын алдына қойғандығынан да болар, ұрпақтар сабақтастығы бүгінде көрініс беруде.
Жақсылыққа жаны құмар, қайырымдылықтан көңілдері қанаттанатын әйелдермен жүздесіп, дидарласып, көңілім марқайып, ерекше шабыт алып қайттым. «Нұрлы шуаққа» топтасқан әйелдер қайырлы істерін жазбауды өтінді. Бірақ өзгелерге үлгі-өнеге болсын деген ниетпен мақалаға арқау еттік...
Әйгерім МЫРЗАХМЕТОВА
