Елін сүйген – Елбасы
Тәуелсіздік күніне орай бүлдіршіндердің сүйікті мекеніне айналған №240 Ғани Мұратбаев атындағы мектеп жанындағы «Шұғыла» шағын орталығында «Елін сүйген – Елбасы» тақырыбында мерекелік іс-шара өтті.
Тұңғыш Президент Нұрсұлтан Назарбаевтың өмір жолы, туып өскен, оқып білім алған, қызмет еткен жерлері туралы мағлұмат берілді.
Елбасының өмір жолынан үлгі ала отырып Отанын, халқын сүюге, ержүректілікке, азаматтыққа, патриоттық сезімге тәрбиелеу шараның басты мақсатына айналды.
Шәкірт жүрегінде Елбасына деген сүйіспеншілік сезімін ояту, құрметтеу. Елбасынан үлгі алып, елін мақтан етуге болашақта тәуелсіз елінің өркендеуіне өздерінің де қосатын үлесі мол екенін білдіріп, ол үшін білімді, өз отанын сүйетін ұлтжанды азамат болу керектігін ұғындырған іс-шарада Елбасы Нұрсұлтан Назарбаевтың Жолдауларында білім мен еңбек туралы айтқан қанатты ойларды жасөспірімдердің таным-түсінігіне сай түсіндірілді.
Осыны жастардың санасына сіңіру қажет» деген өсиеті басшылыққа алынды. Білімнің тарыдай болсын бөлшегі балабақша қабырғасында қаланады. Сол себепті де, жас ұрпаққа тәуелсіздіктің қадір-қасиетін ертегі арқылы жеткізуді жөн көрдік.
Бұл шараға балалар көтеріңкі көңіл-күймен белсене қатысты.
Жасөспірімдер Нұрсұлтан Әбішұлы туралы ән айтып, тақпақ, би орындау арқылы өз өнерін көрсетті. Елбасы өмірінен сыр шертетін шағын көрмемен танысып, өнегелі істері жайлы мол мағұлмат алды.
Мерекелік іс-шарда балғындар Тұңғыш Президенттің халқына сіңірген еңбегі жөнінде мол мағлұмат алып, ұлтқа қызмет етудің парқын пайымдады.
Ақбөпе Жаңабекова,
«Шұғыла» шағын
орталығының тәрбиешісі
