Жаңақорған аудандық сотымен 2018 жылдың 3 айдың қорытындысымен баспасөз конференциясы өткізілді

Жаңақорған аудандық сотының төрағасы Н.О.Қосанов өңірлік «Жаңақорған тынысы» газетінің бас тілшісі А.Жарыкбаевпен ағымдағы жылдың үш айында қаралған істер мен атқарылған шаралар жайлы пресс конференция өткізді.
Пресс конференция барысында ағымдағы жылдың үш айында сотпен сот төрелігін жүзеге асыру сапасын көтеру мен сот ісін уақытылы бастап, қысқа мерзімдерде қарау қатаң жолға қойылғаны туралыаталып, мемлекеттік статистикалық есептерге тоқталып, жария етіліп, сот төрағасы Н.О.Қосанов сот істері бойынша статистикалық мәліметке сәйкес 2018 жылдың 3 айында қылмыстық істермен қаралғаны 24 адамға қатысты 21 іс, оның ішінде айыптау үкімі қабылданғаны 14 адамға қатысты, 7 адамға қатысты 5 іс өндірістен тоқтатылды, ал азаматтық істермен 228 іс қаралған, оның ішінде сот бұйрығы 31, шешім қабылданғаны 155 іс, 3 талап қою арыздары қараусыз қалдырылған, 36 іс өндірістен тоқтатылған, 3 іс басқа соттың қарауына жолданған, ал оңайлатылған тәртіпппен қаралған 104 іс, медиациямен қаралған 1 іс және партисипативтікпен қаралған 1 іс. Сонымен қатар, әкімшілік істермен 163 іс 163 тұлғаға қатысты қаралғаны, 141 тұлға әкімшілік жазаға тартылған, 19 іс қысқартылған, ал медиациямен тәртібімен 12 әкімшілік іс қаралғанын айтып өтті.
Пресс конференция соңында аудандық сот төрағасы өңірлік «Жаңақорған тынысы» газетінің тілшісіне алғысын білдірді.