«Сот кабинеті» электронды сервисі халыққа тиімді

Елімізде сот ісін жүргізу процесінде ақпараттық технологиялар енгізу туралы міндеттерді орындау мақсатында Қазақстан Республикасының Жоғарғы Соты «Сот кабинеті» электронды сервисін әзірледі.

Бүгінгі таңда осы «Сот кабинеті» электронды сервисі аясында жүзеге асырылған жұмыстар сөз жүзінде ғана емес, іс жүзінде де халыққа өз жемісін беруде.

Бүгінде сервистің іске қосылғанына біршама уақыт өткеніне қарамастан, бұл берекелі істің шапағатын халқымыз көруде.

Осы орайда, аудандық сотқа барлығы дерлік істер мен талап арыздар «Сот кабинеті» арқылы түсуде.

Заманға сай инновациялық технологияларды пайдалану сот ісін жетілдірудің басты бағыты.

Бұл жүргізіліп отырған шаралардың барлығы құқықтық саясаттың тиімділігін арттыруға, халықтың сот қызметіне деген сенімінің артуына ықпалын тигізері сөзсіз.

Осыған орай Жаңақорған аудандық сотымен «Сот кабинеті» электронды сервисін пайдалану және оны түсіндіру мақсатында дайындалған бейнероликті назарларыңызға ұсынамыз.

Ақпарат: Жаңақорған аудандық сотының баспасөз қызметі