Дарияға қанша су келуде?
Иә, тариф белгілі болды. Бірақ, су тапшылығының қорқынышы алқымнан алып тұрғаны жасырын емес. Облыс экономикасы мен экологиясының өзегіне айналған өзендегі бұл жағдай егінші қауымға ғана емес, жалпы жалпақ жұртқа оңай тимейді. Бірақ дәл қазір ертеңнен үміттеніп, дән сепкен егінші қауымның қаупі күшейіп тұр. Облыстық ауыл шаруашылығы басқармасы мамандарының дерегінше, биыл 188,2 мың гектар егiн егу межеленді. Оның ішінде, негізгі дақыл күріш көлемі былтырғыдан 5 мың гектарға азайып, 84 мың гектарға себілетін болды. Көбісі себіліп те қойды, жаңақорғандықтар білек сыбана кірісті. Күріш көлемі азайып, есесіне көкөніс-бақша, малазықтық дақылдар алқабы ұлғаяды.
Ауыл шаруашылығы министрлігінің 2016-2025 жылдарға арналған бассейндер мен облыстар жағдайында суды пайдалану лимиттерін бекіту туралы бұйрығы бар. Сол құжат негізінде әр жылы облысқа егін мен экологиялық қажеттіліктер үшін 5 млрд текше метрден асатын су бөлінуі тиіс еді. Былтырдан бастап осы бұйрыққа «Арал-Сырдария» бассейндік инспекциясы су пайдаланушылардың сұранысы мен дария арнасындағы жағдайға орай өзгеріс енгізе алатын болды.
Мысалы, биыл экологиялық қажеттілікке арналған су бұрынғы көлемде қалдырылды да, егінге арналған 4,1 млрд текше метрдің 12 пайызы қысқарды. Өйтпеске амал жоқ, дарияның сағасындағы мемлекеттер де қазір тамшы санап отыр. Осы күні Тоқтағұл су қоймасының аясында 9,3 млрд текше метр су жатыр. Бұл былтырғыдан 2,6 млрд текше метрге аз. Өзіміздегі Шардараның шарасында жиналып тұрғаны 4,5 млрд текше метр. Оған Көксарай су реттегішіндегі 1,5 млрд текше метрді қосыңыз.
– Егер Шардараға вегетациялық кезеңде тағы 2,5-3 млрд текше метр су түспесе, онда жағдай оңалып кетеді деп айту қиын, – дейді «Қазсушар» РМК облыстық филиалы директорының орынбасары Жорабек Ерназаров.
Қазір Шардарадан дария арнасына секундына 250, ал Көксарайдан 300 текше метр су түсіп, облыс шекарасына соның 495 текше метрі жетіп тұр. Былтыр мамыр айының алғашқы онкүндігіне дейін егістік алқаптарды суаруға 1 млрд 73 млн текше метр су алынған, қазіргі көлем – 835 млн текше метр. Өткен жылы осы мерзімде Қызылорда су торабынан секундына 110 текше метр су өткен, қазір ол 70 текше метрге түскен. Сондықтан Орталық Азия елдері су жинау лимиттерін және Нарын-Сырдария су қоймаларының вегетациялық кезеңге арналған жұмыс режимін бекітті, деп хабарлайды ҚазАқпарат.
Әлібек ЖАРЫҚБАЕВ
Ауыл шаруашылығы министрлігінің 2016-2025 жылдарға арналған бассейндер мен облыстар жағдайында суды пайдалану лимиттерін бекіту туралы бұйрығы бар. Сол құжат негізінде әр жылы облысқа егін мен экологиялық қажеттіліктер үшін 5 млрд текше метрден асатын су бөлінуі тиіс еді. Былтырдан бастап осы бұйрыққа «Арал-Сырдария» бассейндік инспекциясы су пайдаланушылардың сұранысы мен дария арнасындағы жағдайға орай өзгеріс енгізе алатын болды.
Мысалы, биыл экологиялық қажеттілікке арналған су бұрынғы көлемде қалдырылды да, егінге арналған 4,1 млрд текше метрдің 12 пайызы қысқарды. Өйтпеске амал жоқ, дарияның сағасындағы мемлекеттер де қазір тамшы санап отыр. Осы күні Тоқтағұл су қоймасының аясында 9,3 млрд текше метр су жатыр. Бұл былтырғыдан 2,6 млрд текше метрге аз. Өзіміздегі Шардараның шарасында жиналып тұрғаны 4,5 млрд текше метр. Оған Көксарай су реттегішіндегі 1,5 млрд текше метрді қосыңыз.
– Егер Шардараға вегетациялық кезеңде тағы 2,5-3 млрд текше метр су түспесе, онда жағдай оңалып кетеді деп айту қиын, – дейді «Қазсушар» РМК облыстық филиалы директорының орынбасары Жорабек Ерназаров.
Қазір Шардарадан дария арнасына секундына 250, ал Көксарайдан 300 текше метр су түсіп, облыс шекарасына соның 495 текше метрі жетіп тұр. Былтыр мамыр айының алғашқы онкүндігіне дейін егістік алқаптарды суаруға 1 млрд 73 млн текше метр су алынған, қазіргі көлем – 835 млн текше метр. Өткен жылы осы мерзімде Қызылорда су торабынан секундына 110 текше метр су өткен, қазір ол 70 текше метрге түскен. Сондықтан Орталық Азия елдері су жинау лимиттерін және Нарын-Сырдария су қоймаларының вегетациялық кезеңге арналған жұмыс режимін бекітті, деп хабарлайды ҚазАқпарат.
Әлібек ЖАРЫҚБАЕВ
