Балуандар бәсекесі
Білікті бапкер Серік Әбдірахмановты еске алуға арналған дәстүрлі турнир биыл да жалғасын тапты. Дене шынықтыру-сауықтыру спорт кешенінде өткен еркін күрес шеберлері 13 салмақ дәржесінде үздіктерді анықтады. 2006-2007 жылы туған жасөспірімдер арасында өткен республикалық турнирде бақ сынау үшін елдің 14 облысынан 400-ге жуық спортшы келді.
Сыр елінің балуандарына 12 жүлде бұйырды.
– Жарыстың деңгейі жыл сайын жоғарылап келеді. Бұл өсіп келе жатқан жас балуандарға серпін береді. Жалпы спортшылардың жігері осындай жарыстарға шыңдалады. Серік Әбдірахмановтың өнеге жолын осы жастарға берсін, – деді білікті бапкер Ильман Изатов.
