Техникалық кеңестің темірдей тегеуріні
Аудан әкімдігінде өткен кеңейтілген техникалық кеңесте тапсырыс берушілер мен мердігер компания басшылары, техникалық қадағалаушылар мен авторлық бақылаушылар, сала басшыларының басы қосылып, құрылысқа қатысты қыруар шаруалар жан-жақты талқыланды. Аудан әкімі Руслан Рүстемов ерекше мән берген басқосудың маңызы зор. Жиында ауыз суды үй-үйге кіргізудің жолы мен құрылыс нысандарын уақтылы әрі сапалы жүргізу бағытында тиісті сала өкілдеріне нақты тапсырмалар жүктелді.
Руслан Рүстемұлы модераторлық еткен кеңесте талқыға түскен түйткілді мәселе – құрылыстың сапасы мен ауыз суды үй-үйге кіргізу. Алдымен сөз тізгінін кент әкімі Есдәулет Сейілов алды.
– Кентішілік 29 көшеге орташа жөндеу жұмысына республикалық бюджеттен 578 110,6 мың теңге және жергілікті бюджеттен 31 000,0 мың теңге бөлінген. Оның ішінде «Ауыл – ел бесігі» бағдарламасы бойынша Хорасан ата, А.Иманов, М.Түйменов, Қ.Алдаберген және Ипподром аумағының №27 көшесі мен Саяжай аумағын кент орталығымен байланыстыратын көшелерді орташа жөндеуге республикалық бюджеттен 344 676,0 мың теңге, ал аудандық қазынадан 31000,0 мың теңге қаралды. Аталған көшелерде «Асфальт» ЖШС, «Азрет-жол» ЖШС, «Қызылорда жолдары» ЖШС, «Шиелі-Жолшы» ЖШС асфальт төсеуде жұмыс атқарды. Техникалық қадағалау ісіне «Баспана Қызылорда» ЖШС, «Дан-Строй-Проект» ЖШС, «Аймереке» ЖШС-жауапты болды. Ал авторлық қадағалау ісі ДК «М.Мамуовке» жүктелді, – деді кент әкімі.
Оның сөзінше, келісімшарт бойынша 2020 жылдың маусым айында көшелерді жөндеу жұмыстары аяқталуы тиіс еді. Шартта көрсетілген мерзімде бітірмеген компаниялардан айыппұл өндіру жөнінде ауданаралық экономикалық сотқа іс жолданды.
Айта кететіні, «Ауыл ел бесігі» бағдарламасы аясында бөлінген қаржыдан 77 077,0 мың теңге үнемделіп, оған Сығанақ, К.Бакиров және О.Бидашев көшесіне орташа жөндеу жүргізу жоспарланып отыр.
«Жұмыспен қамту жол картасы» аясында республикалық бюджеттен 233 434,6 мың теңге бөлініп, кент ішіндегі 14,1 шақырымды құрайтын 22 көшесіне орташа жөндеу ісі қолға алынды. Бұған «Жаңақорған Жібек Жолы» ЖШС жауапты. Сондай-ақ бағдарлама аясында Аюпов көшесі бойынша «Азрет Жол құрылыс» ЖШС жұмыс жүргізді.
Қазір бөлінген қаржы есебінен Ш.Бәкірұлы, Ш.Уалиханов, А.Тоқсанбаев, І.Сейтенов, И.Илялетдинов, С.Ахметов, МАИ бекеті учаскесінің қиылыстары, Достық, А.Аюпов, Жеңіс көшесіндегі орташа жөндеу ісі аяқталды. Қалған көшелердегі жөндеу жұмыстары қазан айында аяқталатыны белгілі болды.
Аудан әкімі Руслан Рүстемұлы жол құрылысын басты назарда ұстайтынын айтты және мердігер компанияларға сапаға мән беруді ескертті.
– Алдағы уақытта әрбір көшенің құрылыс сапасы туралы сараптама жасалады. Яғни жолдың сапасы жайында зертханалық қорытынды шығарылады. Арнайы кепілдік құжаттың болуы міндетті. Онсыз көшелер қабылданбайды, – деді аудан басшысы.
Одан кейін құрылыс нысандарының сапасы жайында сөз еткен құрылыс бөлімінің басшысы Орман Ахметов:
– Түгіскен ауылдық клуб үйінің күрделі жөндеу жұмыстарына мердігер ретінде «СМП Қызылорда» ЖШС жауапты. Жаңақорған кенті мен Түгіскен ауылындағы жаттығу және стритбол алаңының құрылысын «Пульс» ЖШС жүргізуде. Жаңақорған кентіндегі орталық стадионды реконструкциялау жұмыстарын мердігер «Сапақ» ЖШС қайта қолға алды. Жаңақорған кентіндегі №5 Балғын балабақшасын жылумен жабдықтау міндетін «Агроспецмонтаж» ӨК қолға алды. Құрылыс нысандарын жіті қадағалап, кемшіліктер болса, дер кезінде жөндеуге мән бердік, – деді.
Аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Зейнолла Әшірбеков кент ішінде тұрғын үйлерге су құбырын жеткізу, сервистік желісін салу жұмыстары жөнінде баяндады.
– «Ауыл ел бесігі» бағдарламасы бойынша республикалық бюджеттен 495160,0 мың, облыстық бюджеттен 38881,0 мың, жергілікті бюджеттен 12706,0 мың теңге бөлінді. Нысан құрылысын 2020 жылы аяқтау жоспарланды. Бас мердігер «ҚАЗ құрылыс сервис» ЖШС-гі. Мамыр айында жұмысты бастаған мердігер компания 16 шықырым жерге сервистік желі жұмыстарын жүргізді. Атап айтқанда Хорасан ата көшесіннен – 183, С.Ахметов көшесінде – 23, Қашқынов көшесінде – 3, Р.Әбенқожа көшесінде – 10, А.Аюпов көшесінен – 33, Қорған Тоғай көшесінен – 8, Шоқан Уалиханов көшесінен – 6, Алтыкрант ықшам ауданында – 44 тұрғын үйге су құбырлары кіргізілді. Алайда мердігер компанияның жұмысына Алматы, Талдықорған қалаларынан «Көлсай Строй» ЖШС-нен арыз шағым түсуіне байланысты ағымдағы жылдың 8 маусымында Қызылорда облысының мамандандырылған ауданаралық экономикалық сотының анықтауымен келісім шарт бойынша жүргізіліп жатқан жұмыстар тоқтатылды, – деді.
Жаңақорған кентінің тұрғындары әні-міне су келеді деп отырғанында суландырудың тоқтағаны дұрыс емес. Осының маңызын түсінген аудан әкімі Руслан Рүстемов:
– Халық даналығында «Елің сені елесе, еңбегіңнің жанғаны, елің сені шенесе, көз қырына алғаны» деген тағылымды тәмсіл бар. Сол айтпақшы, талас-тартысқа түскен түйткілді іс Жаңақорған кентінде бар. Ол – «Ауыл – ел бесігі» бағдарламасы аясындағы «Жаңақорған кентінің тұрғын үйлеріне су құбырын жеткізу сервистік желісін салу» құрылыс жобасы. Оны іске асыру бізге міндет. Яғни ел ауыз судан зардап шегуге тиісті емес. Сондықтан оның шешімін тауып, 30 жылдан бері асыға күткен мәселенің түйінің тарқатуымыз тиіс. Біз сол үшін бас қосып отырмыз, – деді Руслан Рүстемұлы.
Кеңес барысында әкімдік пен мердігер компания мәмлеге келіп, халықты сапалы ауыз сумен қамтамасыз ету ісін жалғастыруға уағдаласты. Сөйтіп, компания техникаларын қайта әкеліп, жыл аяғына дейін 68 шақырымдық 2000 абонентке су кіргізілетін болды. Ал су жүйесінің қалған бөлігін 2021 жылға өтпелі нысанмен шегеріп, алдағы жылы кенттегі әрбір үйге су кіретін болды.
Биыл бірнеше мектеп күрделі жөндеуден өтуде. Бұл жөнінде аудандық білім бөлімінің басшысы Болат Ибрагимов баяндады.
– Қыркеңсе ауылдық округіндегі №213 мектепті жөндеуді «Пульс» ЖШС қолға алып, қазір 100 пайызға аяқтады. Сунақата ауылдық округінде орналасқан №194 мектеп ғимаратын жөндеу жұмысын «Дарен Строй Сервис» ЖШС жүргізді. Құрылыс компаниясы мектептің спорт залы мен асханасын толық аяқтады. Қазір мектеп ғимаратының сыртқы фундаментін қаптау және есіктерді ауыстыру жұмыстары жүріп жатыр. Аяқталу мерзімі қыркүйек айының соңы, – деді ауданның бас ұстазы.
Ал аудандық аграрлы-техникалық коледжіне күрделі жөндеу жұмыстарына жауапты «Нур-Талап и К» ЖШС. Сондай-ақ Көктөбе ауылындағы №89 мектеп ғимаратын «Пульс» ЖШС, Жаңақорған кентіндегі №51 мектептің ағымдағы жөндеу жұмыстарына «Ернұр Жетістік» ЖШС-гі жауапты екенін білдік.
Аудан әкімі өзінің фейсбуктағы парақшасында:
– Мектеп пен балабақша бойынша жөндеу жұмыстары уақтылы жүргізілуде. Екі мектеп толық жөндеуден өтті. Әрине, халықтан асқан әділ сыншы жоқ, сол себепті құрылыс салу міндетін мойнына алған мердігер елдің көңілінен шығатындай еңбек еткені жөн, – деді.
Әрине әлеуметтік салаға бағытталған құрылыс жұмыстары халықтың жайлы өмір сүруіне бағытталатыны түсінікті де. Сол себепті оның сапалы болғаны дұрыс. Жалпы ауқымы, маңызы жөнінде өте қажетті техникалық кеңесте тапсырыс берушілер – құрылыстың барысын, мердігерлер – мүмкіндігін, техникалық қадағалаушылар – талап үдесін, қоғамдық бақылаушылар – құрылыс сапасын ортаға салды. Талқы барысында бар мен жоқтың аражігі ашылды, кімнің халық үшін іс атқаратыны белгілі болды. Енді осыны іспен дәлелдесе қенекей?!
Лаура БИБАСАРОВА
Руслан Рүстемұлы модераторлық еткен кеңесте талқыға түскен түйткілді мәселе – құрылыстың сапасы мен ауыз суды үй-үйге кіргізу. Алдымен сөз тізгінін кент әкімі Есдәулет Сейілов алды.– Кентішілік 29 көшеге орташа жөндеу жұмысына республикалық бюджеттен 578 110,6 мың теңге және жергілікті бюджеттен 31 000,0 мың теңге бөлінген. Оның ішінде «Ауыл – ел бесігі» бағдарламасы бойынша Хорасан ата, А.Иманов, М.Түйменов, Қ.Алдаберген және Ипподром аумағының №27 көшесі мен Саяжай аумағын кент орталығымен байланыстыратын көшелерді орташа жөндеуге республикалық бюджеттен 344 676,0 мың теңге, ал аудандық қазынадан 31000,0 мың теңге қаралды. Аталған көшелерде «Асфальт» ЖШС, «Азрет-жол» ЖШС, «Қызылорда жолдары» ЖШС, «Шиелі-Жолшы» ЖШС асфальт төсеуде жұмыс атқарды. Техникалық қадағалау ісіне «Баспана Қызылорда» ЖШС, «Дан-Строй-Проект» ЖШС, «Аймереке» ЖШС-жауапты болды. Ал авторлық қадағалау ісі ДК «М.Мамуовке» жүктелді, – деді кент әкімі.
Оның сөзінше, келісімшарт бойынша 2020 жылдың маусым айында көшелерді жөндеу жұмыстары аяқталуы тиіс еді. Шартта көрсетілген мерзімде бітірмеген компаниялардан айыппұл өндіру жөнінде ауданаралық экономикалық сотқа іс жолданды.
Айта кететіні, «Ауыл ел бесігі» бағдарламасы аясында бөлінген қаржыдан 77 077,0 мың теңге үнемделіп, оған Сығанақ, К.Бакиров және О.Бидашев көшесіне орташа жөндеу жүргізу жоспарланып отыр.
«Жұмыспен қамту жол картасы» аясында республикалық бюджеттен 233 434,6 мың теңге бөлініп, кент ішіндегі 14,1 шақырымды құрайтын 22 көшесіне орташа жөндеу ісі қолға алынды. Бұған «Жаңақорған Жібек Жолы» ЖШС жауапты. Сондай-ақ бағдарлама аясында Аюпов көшесі бойынша «Азрет Жол құрылыс» ЖШС жұмыс жүргізді.
Қазір бөлінген қаржы есебінен Ш.Бәкірұлы, Ш.Уалиханов, А.Тоқсанбаев, І.Сейтенов, И.Илялетдинов, С.Ахметов, МАИ бекеті учаскесінің қиылыстары, Достық, А.Аюпов, Жеңіс көшесіндегі орташа жөндеу ісі аяқталды. Қалған көшелердегі жөндеу жұмыстары қазан айында аяқталатыны белгілі болды.
Аудан әкімі Руслан Рүстемұлы жол құрылысын басты назарда ұстайтынын айтты және мердігер компанияларға сапаға мән беруді ескертті.
– Алдағы уақытта әрбір көшенің құрылыс сапасы туралы сараптама жасалады. Яғни жолдың сапасы жайында зертханалық қорытынды шығарылады. Арнайы кепілдік құжаттың болуы міндетті. Онсыз көшелер қабылданбайды, – деді аудан басшысы.
Одан кейін құрылыс нысандарының сапасы жайында сөз еткен құрылыс бөлімінің басшысы Орман Ахметов:
– Түгіскен ауылдық клуб үйінің күрделі жөндеу жұмыстарына мердігер ретінде «СМП Қызылорда» ЖШС жауапты. Жаңақорған кенті мен Түгіскен ауылындағы жаттығу және стритбол алаңының құрылысын «Пульс» ЖШС жүргізуде. Жаңақорған кентіндегі орталық стадионды реконструкциялау жұмыстарын мердігер «Сапақ» ЖШС қайта қолға алды. Жаңақорған кентіндегі №5 Балғын балабақшасын жылумен жабдықтау міндетін «Агроспецмонтаж» ӨК қолға алды. Құрылыс нысандарын жіті қадағалап, кемшіліктер болса, дер кезінде жөндеуге мән бердік, – деді.
Аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Зейнолла Әшірбеков кент ішінде тұрғын үйлерге су құбырын жеткізу, сервистік желісін салу жұмыстары жөнінде баяндады.
– «Ауыл ел бесігі» бағдарламасы бойынша республикалық бюджеттен 495160,0 мың, облыстық бюджеттен 38881,0 мың, жергілікті бюджеттен 12706,0 мың теңге бөлінді. Нысан құрылысын 2020 жылы аяқтау жоспарланды. Бас мердігер «ҚАЗ құрылыс сервис» ЖШС-гі. Мамыр айында жұмысты бастаған мердігер компания 16 шықырым жерге сервистік желі жұмыстарын жүргізді. Атап айтқанда Хорасан ата көшесіннен – 183, С.Ахметов көшесінде – 23, Қашқынов көшесінде – 3, Р.Әбенқожа көшесінде – 10, А.Аюпов көшесінен – 33, Қорған Тоғай көшесінен – 8, Шоқан Уалиханов көшесінен – 6, Алтыкрант ықшам ауданында – 44 тұрғын үйге су құбырлары кіргізілді. Алайда мердігер компанияның жұмысына Алматы, Талдықорған қалаларынан «Көлсай Строй» ЖШС-нен арыз шағым түсуіне байланысты ағымдағы жылдың 8 маусымында Қызылорда облысының мамандандырылған ауданаралық экономикалық сотының анықтауымен келісім шарт бойынша жүргізіліп жатқан жұмыстар тоқтатылды, – деді.
Жаңақорған кентінің тұрғындары әні-міне су келеді деп отырғанында суландырудың тоқтағаны дұрыс емес. Осының маңызын түсінген аудан әкімі Руслан Рүстемов:
– Халық даналығында «Елің сені елесе, еңбегіңнің жанғаны, елің сені шенесе, көз қырына алғаны» деген тағылымды тәмсіл бар. Сол айтпақшы, талас-тартысқа түскен түйткілді іс Жаңақорған кентінде бар. Ол – «Ауыл – ел бесігі» бағдарламасы аясындағы «Жаңақорған кентінің тұрғын үйлеріне су құбырын жеткізу сервистік желісін салу» құрылыс жобасы. Оны іске асыру бізге міндет. Яғни ел ауыз судан зардап шегуге тиісті емес. Сондықтан оның шешімін тауып, 30 жылдан бері асыға күткен мәселенің түйінің тарқатуымыз тиіс. Біз сол үшін бас қосып отырмыз, – деді Руслан Рүстемұлы.
Кеңес барысында әкімдік пен мердігер компания мәмлеге келіп, халықты сапалы ауыз сумен қамтамасыз ету ісін жалғастыруға уағдаласты. Сөйтіп, компания техникаларын қайта әкеліп, жыл аяғына дейін 68 шақырымдық 2000 абонентке су кіргізілетін болды. Ал су жүйесінің қалған бөлігін 2021 жылға өтпелі нысанмен шегеріп, алдағы жылы кенттегі әрбір үйге су кіретін болды.
Биыл бірнеше мектеп күрделі жөндеуден өтуде. Бұл жөнінде аудандық білім бөлімінің басшысы Болат Ибрагимов баяндады.
– Қыркеңсе ауылдық округіндегі №213 мектепті жөндеуді «Пульс» ЖШС қолға алып, қазір 100 пайызға аяқтады. Сунақата ауылдық округінде орналасқан №194 мектеп ғимаратын жөндеу жұмысын «Дарен Строй Сервис» ЖШС жүргізді. Құрылыс компаниясы мектептің спорт залы мен асханасын толық аяқтады. Қазір мектеп ғимаратының сыртқы фундаментін қаптау және есіктерді ауыстыру жұмыстары жүріп жатыр. Аяқталу мерзімі қыркүйек айының соңы, – деді ауданның бас ұстазы.
Ал аудандық аграрлы-техникалық коледжіне күрделі жөндеу жұмыстарына жауапты «Нур-Талап и К» ЖШС. Сондай-ақ Көктөбе ауылындағы №89 мектеп ғимаратын «Пульс» ЖШС, Жаңақорған кентіндегі №51 мектептің ағымдағы жөндеу жұмыстарына «Ернұр Жетістік» ЖШС-гі жауапты екенін білдік.
Аудан әкімі өзінің фейсбуктағы парақшасында:
– Мектеп пен балабақша бойынша жөндеу жұмыстары уақтылы жүргізілуде. Екі мектеп толық жөндеуден өтті. Әрине, халықтан асқан әділ сыншы жоқ, сол себепті құрылыс салу міндетін мойнына алған мердігер елдің көңілінен шығатындай еңбек еткені жөн, – деді.
Әрине әлеуметтік салаға бағытталған құрылыс жұмыстары халықтың жайлы өмір сүруіне бағытталатыны түсінікті де. Сол себепті оның сапалы болғаны дұрыс. Жалпы ауқымы, маңызы жөнінде өте қажетті техникалық кеңесте тапсырыс берушілер – құрылыстың барысын, мердігерлер – мүмкіндігін, техникалық қадағалаушылар – талап үдесін, қоғамдық бақылаушылар – құрылыс сапасын ортаға салды. Талқы барысында бар мен жоқтың аражігі ашылды, кімнің халық үшін іс атқаратыны белгілі болды. Енді осыны іспен дәлелдесе қенекей?!
Лаура БИБАСАРОВА
