Жақында аудан әкімдігінде Қоғамдық кеңестің кезекті отырысы өтті. Жиынға аудан әкімінің орынбасары Дархан Тұрсынбаев, аудандағы салалық бөлім басшылары қатысты. Қоғамдық кеңесінің төрағасы Ақылбек Жәнібеков кеңесте модераторлық етті.

Күн тәртібінде «2020-2022 жыл­дарға арналған аудандық бюд­жет туралы» Жаңақорған аудан­дық мәслихатының 2019 жыл­ғы 26 желтоқсандағы №388 шеші­міне өзгерістер енгізу туралы» Жаңа­қор­ған аудандық мәслихаты жобасы тыңдалып, бұл жөнінде аудандық экономика және бюджетті жоспарлау бөлімінің басшысы Ахмет Қасқабаев хабарлама жасады. Қосымша мәселе Жаңақорған кентінде жүргізіліп жат­қан құрылыс жұмыстарының үйле­­­сімділігін реттеу жайлы аудан­дық тұрғын үй коммуналдық шаруа­шылығы, жолаушылар көлігі және автомобиль жолдары бөлімінің басшысы Зейнулла Әшірбеков және Жаңақорған кенті әкімінің орын­басары Нұржан Сүлейменов түсі­нік­теме берді.
Аудандық қоғамдық кеңес мүше­лері күн тәртібіндегі мәселелерді тал­қылап Жаңақорған аудандық мәс­лихаты шешімінің жобасына ке­лі­сім берді.
Жаңақорған кентінде жер кезегінде тұрған азаматтарды азай­ту мақсатында аудандық сәулет, қала құрылысы және құрылыс бөлімі ұсынған бюджеттік өтінім қай­та жаңғыртылып 6800 үйге жер­ді егжей-тегжейлі жоспарлау жұмысымен инфрақұрылымдар үшін ағымдағы жыл соңына дейін қаржы бөлу мәселесін пысықтады.
Екінші мәселе бойынша Жаңа­қорған кентін абаттандыру жұмыс­тарымен тұрғын үйлерге жеткізілетін су құбырларын жүргізудегі келеңсіз жағдайларды жою бағытында тал­қылау болды.
Қоғамдық кеңес аудандағы ма­ңыз­ды істерді талқылап, ұтымды ше­шім шығаратын қоғамдық инсти­тутқа айналып келеді.

Жасұлан СЕЙДЕМЕТОВ