Жаңақорған аудандық сотында Қазақстан Республикасының Азаматтық процестік Кодексіне енгізілген өзгерістер мен толықтыруларды талқылау мақсатында судьялар арасында семинар сабағы өтті.Семинарға аудандық сот төрағасы, судьялар, кеңсе меңгерушісі қатысты.Шара барысында төраға Ә.Түбекбаева Президент Қ.Тоқаевтың "Қазақстан Республикасының Азаматтық процестік Кодексіне соттар жұмысының заманауи форматтарын ендіру, артық сот рәсімдері мен шығындарын қысқарту мәселелері бойынша өзгерістер мен толықтырулар енгізу Заңына қол қойғанын атап өтіп, қатысушыларға заңнамаға енгізілген жаңашылдықтармен таныстырды.Атап айтқанда, судьяның істі қарау барысындағы белсенділігі, қажет болған жағдайда дәлелдемелерді өз бастамасымен алдыртуы, дауларды соттан тыс шешуге басымдық берілуі, жекелеген мәселелерді тараптарды шақырмай-ақ қарау, процестік мерзімдерді ұзарту, қалпына келтіру, электронды хаттама жайлы талаптарға тоқталды.Семинарға қатысушылар Кодекске енгізілген өзгерістер мен толықтыруларды кеңінен талқылап, аталған жаңашылдықтардың соттардың жұмысын оңтайландыру, жүктемесін азайту, іске қатысушылардың іс жүргізу шығындарын азайтып, электронды сот процесін енгізуге мүмкіндік бергенін атап өтті.