Жаңақорған аудандық сотында оқып-үйрену сабағы өткізілді

Жаңақорған аудандық сотында кезекті семинар сабағы  өткізілді.
Шараға аудандық соттың төрағасы Ә.Б.Түбекбаева, судьялары И.Тунгышбаев, Э.Рысқұлов  қатысты.
Семинар барысында аудандық сот судьясы И.Тунгышбаев Қазақстан Республикасы Жоғарғы Сотының  «Соттардың еңбек дауларын шешу кезінде заңнаманы қолданудың кейбір мәселелері туралы   нормативтік қаулысының талаптары  жайлы   баяндама жасады.
Судья өз баяндамасында соттардың еңбек дауларын шешу кезінде заңнаманы қолданудың негізгі талаптарына тоқталды. Сондай-ақ қазіргі уақытта еңбек дауларын сотқа дейін шешу тәртібімен ұйымдарда, мекемелерде  құрылған  келісім комиссияларының жұмысы жайлы атап өтті.  
Семинар барысында аудандық сот өндірісінде ағымдағы жылы еңбек қатынастарынан туындаған дауларды қарау тәжірибесі, еңбек заңнамасы талаптарының сақталуы талқыланды. 

Қайнар: Жаңақорған аудандық сотының баспасөз қызметі