Марсқа NASA құрылғысы қонды

NASA құрылғысы Қызыл ғаламшардың Элизий аймағына сәтті қонды6 деп хабарлады NASA-ның InSight зерттеушілері.
Зонд Марсқа қонып, бірнеше минуттан кейін алғашқы суреттер жіберген. Суретте Қызыл ғаламшардың сұлбасы бейнеленген. Бұл – Марсқа жеткен сегізінші құрылғы.  Алдағы уақытта 850 миллион доллар тұратын «InSight» зонды Марста 2 жыл бойы зерттеу жұмыстарын жүргізеді. Ол Марс бетіндегі температура мен оның сейсмикалық белсенділігі туралы ақпаратты жинап, ғалымдарға планетаның жерасты картасын жасауға көмектеседі. Зонд, штативті кран, жылу датчигі, сейсмометрмен жабдықталған. Ол 5 метр тереңдікте дейін қаза алады.