Түрлі стартап пен IT бағыттағы жаңа басталамаларға арналған Elevate конференциясында Uber компаниясы ұшатын гибридті такси прототипін көрсетті. Жоба тікұшақ пен ұшақтың біріктірілген нұсқасына ұқсайды. Мұндай көліктің алғашқы модельдері 2023 жылға қарай шығады деп жоспарланып отыр. Гибридті таксиге көлденең айналмалы төрт ротор орнатылған.
Бұл ұшу барысы мүмкіндігінше тыныш өтуіне көмектеседі және өнімділік арттыру үшін қажет. Ұшатын такси электр қуатымен жұмыс істейді. Көлік 600 метр биіктікке дейін жетеді. Мұндай әуе таксиі арнайы жабдықталған отырғызу алаңдары бар биік ғимараттар арасында жолаушылар тасымалын жасайды деп болжануда. Компания гибридті көлік сағатына 200 рет жол жүру мүмкіндігіне ие екенін айтады. Алғашқы рейстер ұшқыш көмегімен жасалады, бірақ кейінірек олар автоматты бақылауға ауысады.