«Мектепке жол» акциясы
Жаңа оқу жылы қарсаңында «Мектепке жол» жалпы республикалық қайырымдылық акциясы басталды. Акция мақсаты – тұрмыс жағынан аз қамтылған және көп балалы отбасылар, жетім балалар мен ата-анасының қамқорлығынсыз қалған, мүмкіндігі шектеулі балаларға жаңа оқу жылына даярлық жағынан қолдау мен көмек беру. Мысалға алсақ: «Балаға мейірім сыйла!», «Отбасы отбасыға көмек көрсетеді»: Балаларды мектепке дайындаймыз!» қайырымдылық акциялары және «Жақсылық жасауға асығайық» марафоны, «Мейірімді қолдар» акциясы.
Жаңақорған ауданы №14 өрт сөндіру бөлімінің қолдауымен өткен «Мектепке жол» акциясы аясында көпбалалы және әлеуметтік жағдайы төмен отбасыларға, киім-кешек, мектепке қажетті керек-жарақтарымен және кеңсе тауарларымен толық қамтамасыз ету мақсат етілді. Бөлім қызметкерлерінің ұйымдастыруымен көрсетіліп жатқан көмегіміз тұрмыстық жағдайы төмен жəне көп балалы отбасыларға көп септігін тигізеді деген ойдамыз.Айта кетсек, шара қыркүйек айының 30-на дейін жалғасады және акция жоғары деңгейде өтеді деген ойдамыз.
Шыңғыс Жәдіков,
Жаңақорған ауданы №14 өрт сөндіру бөлімінің қарауыл бастығы, азаматтық қорғау аға лейтенанты.
