№97 (8601) 6

06 желтоқсан 2022 ж.

№96 (8600) 3

05 желтоқсан 2022 ж.

№95 (8599) 29

29 қараша 2022 ж.

Жаңалықтар мұрағаты

«    Желтоқсан 2022    »
ДсСсСрБсЖмСбЖс
 1234
567891011
12131415161718
19202122232425
262728293031 
» » » МӘДИНА ЕРАЛИЕВА ЖҮЛДЕЛІ ОРЫННАН КӨРІНДІ

МӘДИНА ЕРАЛИЕВА ЖҮЛДЕЛІ ОРЫННАН КӨРІНДІ


ҚССР білім беру ісінің үздігі Өтегенов Қасым Өтегенұлын 70 жылдығына орай, Жалағаш ауданы, Жаңадария ауылдық клуб үйінде «Қалдырған ізін мәңгілік»- атты облыстық жас әншілер байқауы өтті. Шараға өнер майталмандары мен тәлімгердің қызметтес-әріптестері көптеп жиналды. Клуб үйінің директоры Рүстембек Көшеров Елбасының «Болашаққа бағдар: рухани жаңғыру» бағдарламалық мақаласы аясында тұңғыш рет мәдени-рухани шара өткізіп отырғанын сөз ете келе, шараны жыл сайын өткізуді қолдайтынын айтты.

Тәлімгердің қызмет еткен қарашаңырағы №203 орта мектебінің алдында өрбіген байқауға облыстан 14 әнші бақ сынасты. Тартысты және жоғарғы деңгейде өткен байқауға Жаңақорған ауданы атынан Бесарық бекетінің дарынды өнер иесі  Мадина Ералиева қатысты. «Шын талантқа тұсау жоқ»  дегендей Мадина Ералиева аздап науқастанып қалғанымен өз әншілік қабілетін көрсете білді. Талай өнер оқу орындарында тәжірибе жинақтап, кәсіби әншілерден өнер сабағы алып жүрген жерлесіміз өз дәрежесін төмендетпей жүлделі үшінші орынға ие болды. Бас жүлде Қызылорда қаласының әншісінің қанжығасында кетті.  Байқауға дайындаған ұстазы Жәнібек Сыздықов: « Мәдина Ералиева – ауданның бетке ұстар талантты тұлғасы. Біз Мәдинамен мақтанамыз, оның өнерін қолдаймыз!» – деді. Шын таланттымен топ жаратын жалынды жастардың қатары көбейе бергей!
16 шілде 2018 ж. 1 025 0