Лагерь жазы "Жаңашамен" көңілді
Тау бөктеріндегі тұмса табиғат аясында орналасқан лагерьге Жаңақорған аудандық мәдениет үйінiң жанынан құралған «Жаңаша» халықтық әзіл-сықақ отауы балаларға арналған бағдарламасын өткізді. Балалардың жазғы демалысын тиімді пайдалану мақсатында ұйымдастыра бiлген «Тау самалы» тынығу лагерi жүзге тарта оқушының көңiлiн «Жаңаша» халықтық әзіл-сықақ отауының көңiлдi әндері мен әзілдері арқыл сергітті.
Жас достарымыз өнерпаздарды ыстық ықыласымен қарсы алды.
Бала жүзіне күлкі сыйлау арқылы белсенділіктерін дамытып, спорттық ептіліктерін анықтап, достық қарым-қатынастарын нығайту мақсатында
түрлі сайыстар ұйымдастырылды.
Көңілді ән мен әзілге, спорттық жарыстарға өрілген шара барысында бүлдіршіндердің қуанышында шек болмай, игі шараны ұйымдастыруға ұйытқы болған азаматтарға алғысын айтып тарқасты.
