Лагерь жазы "Жаңашамен" көңілді

Тау бөктеріндегі тұмса табиғат аясында орналасқан лагерьге Жаңақорған аудандық мәдениет үйінiң жанынан құралған «Жаңаша» халықтық әзіл-сықақ отауы кезекті шығармашылық кешін өткізді.

Балалардың жазғы демалысын тиімді пайдалану мақсатында ұйымдастыра бiлген «Тау самалы» тынығу лагерi жүзге тарта оқушының көңiлiн «Жаңаша» халықтық әзіл-сықақ отауының көңiлдi әндері мен әзілдері арқылы сергіттi.

Талантын өнермен ұштастырған театр әртістерінің шеберлігі, сахна мәдениетін сақтаудағы біліктіліктері, өздеріне берілген кейіпкердің портретін аша білуі, сондай-ақ сахнаны әсем әнмен тербеуі балалардың өнерге деген қызығушылығы мен құрметін арттыра түскендей болды.

Кеш соңында көрермен көзайымына айналып үлгерген театрға демалушы бүлдіршіндерiмiз өз лебіздерін білдірді.