Ләйлә Сұлтанқызының "Өз ойым" бағдарламасында отандық жұлдыздардың бір тойдан алатын гонорарларының сомасы туралы айтылды. Той ұйымдастырушылардың айтуынша, Ерке Есмахан бір тойдан екі миллион теңге алса, "МузАрт" тобының гонорары 10 мың долларға тең деп хабарлайды NUR.KZ.
Отандық жұлдыздардың тойдан алатын гонорарлары елдегі экономикалық жайттарға байланысты өзгеріп тұрады. Мәселен, бірнеше жыл бұрын Қайрат Нұртас 10 мың долларға тойға шықса, араға аз уақыт салып ол гонорарын өсіріп жібергені туралы отандық БАҚ беттерінде жазылған-ды. Тойда дәуірі жүріп тұрған әншілердің қазіргі гонорары қандай?
Елдің ашуына тиіп, кейіннен кешірім сұраған Төреғали Төреәлі болса, бір той үшін 7000-8000 мың доллар алады.
Еліміздегі гонорары ең қымбат топтардың бірі - "МузАрт". Олар әр тойдан 10 мың доллар көлемінде гонорар сұрайды.
40 минут бойы ән орындағаны үшін Ерке Есмахан да қыруар қаражат сұрайды. Мәселен, оның гонорары екі миллион теңгеге тең.
Жұлдызы жанып, актерлік кәсіптің жілігін шағып жүрген Тәуекел Мүсілімсіз қазір ешқандай фильм, ешбір клип түсірілмейтін болған. Қазіргі таңда оның тойыңызды басқарғанын қаласаңыз 3 000 – 5000 долларыңызды дайындап қойыңыз.
Ең қымбат асабалардың бірі саналатын Азамат Сатыбалды да өзге жұлдыздардан қалар емес. Кәсіби актер қазіргі таңда мерекелік іс-шараны 1,5 миллион теңгеге басқарып беруге дайын.