Елбасының Қазақстан Республикасы Парламенті қос палатасының бірлескен отырысында айтқан 5 әлеуметтік бастамасынан әр жанұяға деген риясыз қамқорлықты сезіндім. Жас отбасылармен қатар мүмкіндігі төмен көп балалы жанұялардың баспаналы болуына «7-20-25» бағдарламасы үлкен жеңілдік деп ойлаймын. Сонымен қатар, жыл сайын ел қазынасынан бөлінетін 54 мың білім грантына қосымша 20 мың гранттың берілуі, олардың тікелей техникалық мамандықтарға бағытталуы жастарға жасалған үлкен қолдау. Кәсібін дөңгелетемін дегендерге мемлекеттің қолдауы зор. Ендігі жерде бұл көмектің көлемі ұлғаяды, әсіресе ауылдық жерде бизнес бастауға ниеттілерге көрсетілер демеу ерекше болмақ.
Облыстық әйелдер кеңесінің төрайымы Нұрсауле Мусаева