"ҮЗДІК ДИЗАЙНЕР" ЕРЛАН РАЙЫМБЕКОВ

  

Бүгін бұқаралық ақпарат құралдары өкілдерінің мерекесіне орай «Қанатты қалам -2019» атты салтанатты шара өтті. Облыс әкімінің орынбасары Руслан Рүстемовтың қатысуымен шарада журналистермен қатар жергілікті газет дизайының көркем шығуы жолында қызмет ететін мамандарда марапатталды. Солардың бірі де бірегейі әріптесіміз «Жаңақорған тынысы» газетінің дизайнері Ерлан Райымбек. Ол биыл алғаш рет марапаттар тізіміне енген «Үздік дизайнер» Дипломымен марапат төрінен көрінді.
 – Қиялға ерік берсең сан түрлі тың идеялар келеді. Бірақ газеттің форматы басқа. Сыншымыз халық болғаннан кейін газеттің сапалы болуы маңызды. Осы орайда айта кетерім, бұл марапат менің ғана жеңісім емес, мақала жазуда тың ойлардың туындауына септігін тигізетін ұжымның жеңісі, ортақ марапаты.
   Иә, әріптесімізге шалқар шабыт, толағай табыс, тың идеялар тілейміз. Қиялындатүрлі форматтар мен дизайнерлік туындылар өрістей бергей.