ӘРІПТЕСІМІЗ МАРАПАТ БИІГІНДЕ
Қызылорда қаласында Тәуелсіздік күніне орай Н.Бекежанов атындағы музыкалық драма театрда салтанатты шара өтті. Мерекелік шара аясында түрлі салада қызмет ететін 48 азамат Қазақстан Республикасының ордендерімен және медальдарымен, Құрмет грамоталарымен наградталды.
Марапатталушылар қатарында «Жаңақорған тынысы» газетінің тілшісі Ерубай Қалдыбекке Қазақстан Республикасының Президенті Нұрсұлтан Назарбаевтың «Құрмет грамотасы» табысталды.
Бұл – биыл 85 жылдығын атап өткен төл басылымға мемлекеттік деңгейде көрсетілген құрмет екені даусыз. Марапат биігінен көрінген әріптесімізге зор денсаулық, шалқар шабыт тілейміз!
