Сезі үйі бар ауыл немесе Апанқақ айшықталды

Бүгін Жаңақорған ауданы, Бесарық ауылдық округіне қарасты "Ақпанқақ" елді-мекенінде еңбек ардагері Қалкөзов Жанәділ атына көше атауы берілді.
Айта кетейік, 8 үй яғни 33 тұрғыны бар "Ақпанқақ күллі қазаққа шипалы тұзды, минералды суымен танымал. Жер астынан табиғи жолмен атқылап жатқан тұзды судың бас ауырып, балтыр сыздағандағы пайдасы зор. Одан бөлек, айдалада орналасқан емдік судың қасиеті мен киесі де бір басқа.
Өркениет көшінен тыс қалып, отырықшылық және мал шаруасымен айналысып отырған ауыл тұрғындары бұл күні мерейі үстем болып, аудан басшылығына алғаусыз алғыс айтты. Көше ашылып, қолданысқа берілгеніне мәз болысып, ауыл тойын тойласты. 


Егерде сіз білмейтін осынау киелі судың тарихын танығыңыз келсе, тілшіміз Ескендір Ертайдың Жаңақорғанның медициналық туризмі мақаласын оқыңыздар!