Республикалық турнир: Бас жүлде Сығанақта
4-5сәуір күні Түркістан қаласында бұқаралық ақпарат өкілдері арасында шағын футболдан республикалық турнир өз мәресіне жетті. Тартысты турнирге Астана, Алматы, Тараз, Шымкент, Орал, Көкшетау, Қызылорда, Түркістан және «Сыр медиа» ЖШС-на қарасты Шиелі аудандық «Өскен өңір» және Жаңақорған аудандық «Жаңақорған тынысы» газеті журналистерінен құрылған «Сығанақ» құрамасы қатысты. Кіл мықтылар қатысқан дүбірлі доп додасында «Сығанақ» құрамасы турнирдің жеңімпазы атанды.
