БАС ЖҮЛДЕ ЖАМБЫЛ ЖАСТАРЫНДА

Тараз қаласында көкпардан жастар арасында өткен республикалық турнирдің жеңімпаздары белгілі болды, – деп хабарлайды Qsport.kz порталы.

Тараз қаласында Әшімхан Кенжебеков атындағы көкпардан өткендүбірлі дода өз мәресіне жетті. Еліміздің ең үздік командалары бас қосқан турнирде Жамбыл облысының «Әулие ата» жастар командасы бас жүлдені еншілесе, екінші орынды Оңтүстік Қазақстан облысының жастар командасы иеленді. Ал Маңғыстау облысының жастар командасы  үздік үштікке кірді.
Айта кетейік, Астана қаласында  «ЭКСПО-2017» көрмесі аясында көшпенділердің ұлттық ойыны көкпардан тұңғыш рет әлем чемпионаты өткен болатын. Бұл додада Қазақстан құрамасы жеңімпаз атанып, 10 миллион теңгеге ие болған.