«АГРО ЭКСПРЕСС»: ОҚЫТУДЫҢ ОЗЫҚ ҮЛГІСІ

Мемлекет басшысы кешегі халыққа арнаған Жолдауында ауыл шаруашылығы саласына серпін беретін пәрмен берген болатын. Әсіресе, мемлекет тарапынан жан-жақты қолдау көрсету керектігі аталды. Маңызды сектордың мәнін айқындап, аграрлы саланы одан әрі дамыту мақсатында бүгін әкімдікте облыстық семинар өткізілді. «Агро экспресс» деп аталған алқалы оқу семинарға облыстық мәслихат депутаты, басқарма басшылары мен Үкіметтік емес ұйым төрағалары, кәсіпкерлер, өзге аудандардан ынталы азаматтар қатысты. Аудан басшысы Ғалым Әміреев модераторлық еткен басқосуда Жаңақорған ауданында агро-индустриялық аймақ шеңберінде өз кәсібін жүргізуге және кезең-кезеңімен оқыту курстарынан қалай өтуге болатындығы жөнінде кең ауқымды түсіндірме жұмысы жүргізілді.