ОЗАТ АУДАНДАҒЫ ОЗЫҚ ІСТЕР

Мемлекет басшысы Жолдауында қазақстандықтардың тұрмыс сапасын арттыру және өмір сүруге жайлы орта қалыптастыру бағытындағы жұмыстарды жалғастыру қажеттілігін айтты.

Әсіресе, кәсіпкерлік саласын дамытуды, агроөнеркәсіп кешенінің әлеуетін толық іске асыруды, сапалы әрі қолжетімді тұрғын үймен қамтамасыз етуді тапсырды. Енді Үкімет пен әкімдердің қызметі осы көрсеткіштер бойынша бағаланатын болады. Аталған басымдықтар Жаңақорған ауданында рет-ретімен шешімін тауып, халық игіліне айнала бастады. Мұны аудан әкімі Ғалым Әміреевтің тұрғындар алдында берген есепті кездесуінде білдік. М.Көкенов атындағы аудандық мәдениет үйінде өткен алқалы кездесуге облыс әкімінің орынбасары Серік Қожаниязов арнайы қатысты.