«Үздік денсаулық сақшысы»

Елбасы «Қазақстандықтардың әл-ауқатының өсуі: табыс пен тұрмыс сапасын арттыру» Жолдауында медициналық қызмет сапасы халықтың әлеуметтік көңіл-күйінің аса маңызды компоненті болып саналатынына айрықша тоқталды. Осы ретте, ауданда медицина саласының серпінді дамуына үлес қосып жүргеннің бірі – Қуандық Қарақожаев.
Ауданда алғаш болып аурухананың ішінен дәріхана ашып, кейіннен халықты, аурухана мен емхананы дәрі-дәрмекпен қамтамасыз ететін шаруашылық есептегі дәріхананы іске қосып, жаңақорғандықтардың сапалы дәріге қол жеткізуі жолында қалтқысыз қызмет жасады. Медицина саласында атқарған осындай ерен еңбегі үшін биыл Қазақстан Республикасының Денсаулық сақтау министрлігінің «Денсаулық сақтау ісіне қосқан үлесі үшін» төс белгісімен марапатталды. Өмірінің 47 жылдан аса уақытын медицина саласының өркендеуіне арнаған маманның еңбегін бағалап, ауданда «Жылдың үздік денсаулық сақшысы» санатына қостық. Әрине, медицина саласында білікті мамандар көп. Дегенмен Қуандық Қарақожаевтың ұзақ жылдық еңбегі бұл аталымға лайықты екені даусыз...

Қуандық ҚАРАҚОЖАЕВ,
«Мейірім» ЖШС директоры.