«ЖЫЛ ТАҢДАУЫ-2018»: №213 ОРТА МЕКТЕП КӨШ БАСТАДЫ

Облыстық білім басқармасы мен облыстық кәсіподақ комитеті жылды қорытындылап, өңірдегі ұстаздар қауымының еңбегін бағалады. «Жыл таңдауы-2018» шарасын ұйымдастырып, үздіктер марапат мінберінен көрінді. Қыркеңсе ауылындағы Қалдыбай Елемесов директорлық ететін №213 жалпы орта мектеп облыстағы білім көрсеткіші бойынша өзге білім ордаларынан оқ бойы озып шығып, «Жыл таңдауы-2018» марапатының «Білімді бесігімен тербеткен» номинациясына ие болды. Сыр өңірінде үздік танылған №213 жалпы орта мектебінде 62 мұғалім болса, оның 15-і жоғары санатты, 18-бірінші санатты, 18-екінші санатты. Жалпы, білім ордасында 395 оқушы білім алуда. ҰБТ көркетскіші бойынша ауданда 2017 жылға дейін үздік бестіктің қатарында болса, былтыр ондықта көрінді. Орташа балл-89. Соңғы екі жылда үш бірдей пәндік олимпиада жеңімпазы осы мектептен шықты.
                                                                                                                                         Самат Әбдіш