Жаңақорған ауданында 123 мектепке дейінгі ұйым бар

Тамыз кеңесінде Жаңақорған аудандық білім бөлімінің басшысы Болат Ибрагимов Жаңақорған ауданы бойынша мектепке дейінгі білім беретін ұйымдардың санын айтты. Оның сөзінше, 123 мектепке дейінгі ұйым бар. Оның ішінде: мемлекеттік балабақшалар - 26 (бала саны 1555), жеке балабақшалар - 76 (3585 бала), шағын орталықтар - 21 (690 бала). Жалпы мектепке дейінгі білім беру ұйымдарындағы жалпы бала саны - 5830. Аудан бойынша 1-3 жастағы жалпы бала саны – 5768, оның ішінде балабақшамен қамтылғаны – 851 (қамтылу пайызы 14,8). Аудан бойынша 3-6 жастағы балалар балабақшамен 100 пайыз қамтылып отыр.