Астанада шетелдік елшінің қалтасындағы әмиянын ұрлап кетті

Елордалық полицейлер Қазақстандағы шетелдік елшінің қалтасынан әмиянын ұрлап кеткен Алматы облысының тұрғынын ұстады. Ұрлық Астана  қаласындағы «Керуен» сауда-ойын сауық орталында болды.Бұл туралы Ішкі істер министрлігінің ресми өкілі Алмас Садубаев бүгін өткен брифинг барасында хабарлады, деп жазады Stan.kz ақпараттық агенттігі bnews.kz-ке сілтеп.
Садубаевтың айтуынша, ұрлық жасаған әйел бұрын сотталған.
«Астана қалалық ІІД-нің қылмыстық полициясы бұрын сотталған Алматы облысының тұрғынын қамауға алды. Ол 17 тамызда« Керуен» сауда-ойын-сауық орталығында қызмет бабы бойынша Қазақстанда жұмыс істейтін шетелдік елшінің күртешесінің қалтасынан әмиянын ұрлап кетті», – деді Алмас Садубаев.
Сондай-ақ, ол брифинг барысында Қостанай облысы ІІБ-ның ұйымдасқан қылмысқа қарсы күрес басқармасы қызметкерлерінің Рудный қаласында бұрын сотталған жергілікті тұрғынды қамауға алғаны айтылды. Садубаевтың сөзінше, оның тұрғылықты жерінен РПГ-22 граната қондырғысы табылды.