ҚР Ішкі істер министрлігінің ресми өкілі Алмас Садубаев брифинг барысында еліміздің бірқатар өңірлерінде ұсталған қылмыскерлер туралы айтты, деп хабарлайды Baq.kz ақпарат агенттігі zakon.kz сайтына сілтеме жасап.

Павлодар облысындағы полиция қызметкерлері Новосібір облысы бойынша Ресей Федерациясы ІІМ Бас басқармасының мемлекетаралық іздестіруінде жүрген ресейлік азаматты ұстады. Алматы облысында «бопсалаушылық» бабы бойынша халықаралық іздестіруде жүрген күдікті ұсталып, оның 8 оғы бар Макаров тапаншасы тәркіленді.
Өткен түні Алматы облысы Кербұлақ аудандық ішкі істер бөліміне мешіт имамы арызданған. Орталық мешітте белгісіз біреулер ішінде 400 мың теңге мен құжаттар бар сейфті ұрлап кеткен. Қазіргі уақытта күдіктілерді іздеу шаралары жүргізіліп жатыр.