Ағымдағы жылғы наурызда мемлекет басшысы Қазақстан халқының әл-ауқатын жақсартуға бағытталған бес әлеуметтік бастама ұсынды.
«Әрбір отбасына баспана алудың жаңа мүмкіндіктерін беру» атты бірінші бастаманы іске асыру шеңберіндегі ағымдағы жылғы мамырда Қазақстан Ұлттық Банкі «7-20-25» жаңа ипотекалық бағдарламасын бекітті, «Баспана» компаниясын құрды және 21-ші маусымда Парламент Сенаты Бағдарламаны тиімді іске асыруға қажетті түзетулерді қамтитын заң жобасын қобылдады.
7-20-25 бағдарламасы халықтын жағдайын жақсарту үшін әзірленген.
Ипотеканы өз атында үйі жоқ, жұмыс істейтін немесе жеке кәсіпкерлікпен айналысатын адамдар да ала алады. 
Ипотеканың жылдық ставкасы 7 пайыз, алғашқы жарнасы 20 пайыз, мерзімі 25 жылға дейін деп белгіленді. 
Осы Бағдарлама аясында 2022 жылға дейін, бір триллион теңге несие беріледі деп жоспарлануда. 
Бүгінгі таңда Қазақстан бойынша Астана, Алматы, Атырау және Ақтау қалаларында үйдің ең жоғарғы бағасы 25 миллион теңге, басқа өңірлерде 15 миллион теңге деп белгіленді. 
Қазақстандағы 7 банк осы Бағдарламаға қосылғандарын растады, олар Центркредит Банкі, Евразиялық Банкі, АТФ Банк, Цесна Банк, Халық банкі, РБК Банк және Қазақстанның тұрғын үй құрылысы жинақ банкі. Сбербанк пен Форте банк осы бағдарламаға қосылу мәселелерін талқылауда.
Айтып кеткендей Бағдарламаның механизмі қиын емес. Банктер халыққа несие береді, ал «Баспана» ол несиені банктен сатып алады. Бұл халыққа да, банктерге де тиімді. Сондықтан 7-20-25 Бағдарламасы барлығына қолайлы болады.
Қажетті құжаттар тізімі:
1) еңбек немесе кәсіпкерліктен түсетін табысты растайтын құжаттар; 
2) Ипотекалық жылжылмайтын мүлік үй қарыздарының жоқтығын дәлелдейтін кредиттік бюронің кредиттік есебі; 
3) меншік құқығындағы тұрғын үйдің болмауын растайтын анықтама (Халыққа қызмет көрсету орталығында беріледі); 
4) сатып алынатын тұрғын үйдің құжаттары; 
#5) сатып алынатын тұрғын үй құнын анықтайтын тәуелсіз бағалаушының бағалау есебі. 
Құны 5 млн – 25 млн теңге болатын тұрғын үй бойынша ай сайынғы төлемнің мөлшері
Тұрғын үй құны, теңге Бастапқы жарнаның
мөлшері, теңге Ай сайынғы төлем
мөлшері, теңге
5 млн. 1 млн. 28 мың
10 млн. 2 млн. 57 мың
15 млн. 3 млн. 85 мың
20 млн. 4 млн. 113 мың
25 млн. 5 млн. 141 мың