Шымкент әкімі сол қызметке тағайындағаны үшін қуанышты екенін жеткізді, деп хабарлайды Қазақпарат.«Бұл мен үшін күтпеген жайт болды. Шешімді мемлекет басшысы қабылдайды. Бұл шешімге өте қатты қуандым», – дейді Абдрахимов үкімет отырысында.
Әкім қойылған міндеттерді атқаруға бар күшін салатынын айтты. Қазірге әкімдіктің қызметі мен қаладағы мемлекеттік қызмет құрылымын реттеу керек. Сонымен қатар Түркістан облысымен бірлесіп мемлекеттік бюджет ақшасын бөлуді қарастыру қажет.
«Бірінші кезекте осы мәселелерді қолға алу керек. Қаланың мәртебесі өскендіктен, шымкенттіктердің өмір сапасының артуынан үмітті болары сөзсіз. Міне, сондықтан, біз халық табысының өскенін сезінетіндей жұмыстар атқарғымыз келеді. Барлық салалар бойынша жұмыс жүргізіледі», – деді әкім.