«ЕСІРТКІСІЗ БОЛАШАҚ: ҚОҒАМ ҮНІ»

                   Қазіргі таңда есірткі дерті қоғамымызға үлкен қауіп төндіріп тұр. Оның кең таралуының бір себебі — кейбір жасырын орындар мен өсімдіктердің арасына егілуі. Осының кесірінен небір жастар сотталып, темір тордың ар жағында жазасын өтеп жатыр. Есірткінің кесірінен қаншама отбасы ойран болып, зорлық-зомбылық көбейді, тіпті шаңырағы шайқалып, өмірі қиылған жанұялар аз емес.Бұл зұлымдық тек нашақордың өз денсаулығына ғана емес, қоршаған ортаға, қоғамға да орны толмас зиян тигізеді.Есірткінің  не пайдасы бар Ешқандай!   
           Бұл — өз өміріңе өзің балта шабу, қоршаған ортаңды қауіпке ұшырату. «Нашасыз адамдар жұмыс істей алмайтын еді» деген қате түсінік бар. Шын мәнінде, есірткісіз-ақ адал еңбек етіп, отбасын құрып, бақытты ғұмыр кешіп жүргендер қаншама?! Бақытты болу — әркімнің өз таңдауы. Өз өмірің өз қолыңда, оны ешкім сен үшін шешіп бере алмайды.
Заңға бағыну, тәртіпті болу — саналы азаматтың белгісі. Егер адамда бойында кішкене де болсын адами қасиет пен тәрбие болса, ол өз отбасына, жақындарына ондай қасіретті тілеу түгіл, ойына да алмайды. Есірткі — бұл мидың улануы, сананың ғана емес, бүкіл өмірдің күл-талқан болуы, барлық бақытты сәттерден мәңгілікке айырылу.                                                       
          Есірткісіз болашақ қоғам — ол нағыз бақыт.   Ал адал еңбек — соңы қуаныш пен мақтанышқа жетелейтін жол.  Барлығы еңбек етіп, ақша тауып, ата-анасына қамқор болып жатса, содан асқан бақыт бар ма? Адал өмір сүріп, әрбір сәтке шынайы күлімсіреп қарау — елімізге тілейтін басты тілегіміз. Бәріміз тәрбиелі, өнегелі, заңға бағынатын болсақ, бұл елді кім жаман дей алады? Елді көркейту де, жарқын болашақ құру да тек өз қолымызда.Нашақорлық — өз өміріңе балта шабумен тең қасірет.   Ал,бақыт деген  сенің тыныш та алаңсыз өмірің.

Қызылорда облысы

Жаңақорған ауданы

                                                             Қыраш ауылы

                               №180 орта мектебінің 6-сынып оқушысы

Бауыржанқызы Аякөзайым