ТҰРҒЫНДАРДЫҢ ТАЛАП-ТІЛЕКТЕРІ ТЫҢДАЛДЫ

«Әділет» партиясы Жаңақорған аудандық филиалының партия алаңында азаматтардың жеке мәселелері бойынша қабылдау өтті. Қабылдауды Жаңақорған аудандық жұмыспен қамту және әлеуметтік бағдарламалар бөлімінің басшысы Асeнов Семсер Мұсабекұлы өткізді. Қабылдауға келген тұрғындар жұмыспен қамту, әлеуметтік қолдау және басқа да жеке мәселелерін ортаға салып, өздерін толғандырған сауалдарын қойды. Әрбір азаматтың мәселесі мұқият тыңдалып, заң аясында түсіндіру жұмыстары жүргізілді.
Кездесу барысында тұрғындарға тиісті бағыт-бағдар беріліп, көтерілген мәселелер бойынша жауапты сала мамандарына ұсыныстар айтылды.
Азаматтардың өтінішін тыңдау, мәселесін шешуге ықпал ету – халықпен кері байланыстың маңызды тетігі.