СЫБАЙЛАС ЖЕМҚОРЛЫҚҚА ҚАРСЫ АШЫҚ СҰХБАТ АЛАҢЫ ӨТТІ
«Заң мен тәртіп» қағидаты аясында жастар арасында сыбайлас жемқорлыққа қарсы мәдениетті қалыптастыру мақсатында ашық сұхбат алаңы өтті.
Іс-шараға аудандық қоғамдық даму бөлімінің бас маманы Нұржан Қалжан және Жастар ресурстық орталығының директоры Наурызбай Орынбасаров қатысып, жастармен еркін форматта пікір алмасты.
Сұхбат барысында сыбайлас жемқорлықтың қоғамға тигізетін кері әсері, заң талаптарын бұзудың салдары, құқықтық сауаттылықты арттыру және жемқорлықтың алдын алудың маңызы туралы кеңінен айтылды.
Сонымен қатар, Мемлекет басшысы айқындаған «Әділетті Қазақстан», «Адал азамат», «Заң мен тәртіп» қағидаттарының мәні мен қоғам өміріндегі маңызы талқыланды.
Кездесу барысында жастар өз ой-пікірлерін ортаға салып, көкейлеріндегі сұрақтарын қойды. Қатысушыларға сыбайлас жемқорлықтың алдын алуға бағытталған ақпараттық плакаттар мен жадынамалар таратылды.
