Ашық сұқбат алаңы өтті

Аудан әкімдігінің қолдауымен аудандық қоғамдық даму бөлімінің мемлекеттік әлеуметтік тапсырыс жобасы аясында "Қызылорда облысының жастар одақтары" қоғамдық бірлестігінің үйлестірумен "Сыбайлас жемқорлыққа қарсы мәдениетті нығайту" мақсатында аграрлы-техникалық колледжінің мәжіліс залында колледж қызметкерлерімен ашық сұқбат алаңы өтті.

Жиынға кәсіби заңгер Нұрман Абдрасилов және аудандық қоғамдық даму бөлімінің салаға жауапты маманы Нұржан Қалжан спикер ретінде қатысып, сыбайлас-жемқорлыққа барудың салдары, оның алдын алу бойынша құқықтық кеңестер берді.

Сұқбат соңында колледж қызметкерлері өз пікірлерін білдіріп, сала мамандарына алғыстарын жеткізді.