Сабақ (оқу, іс-шара) – оқытуды қалайша жанды, маңызды және қызықты ету?

Қазіргі білім беру саласында мұғалімге қойылатын талап бұрынғыдан өзгеше. Бүгінгі күні оқушыға белгілі бір тақырыпты түсіндіріп, тапсырма орындату жеткіліксіз. Баланың сабаққа қызығушылығын оятып, оны өздігінен ойлануға, ізденуге және алған білімін күнделікті өмірде қолдануға үйрету маңызды. Сондықтан мен үшін жақсы сабақ – мұғалім көп сөйлейтін емес, оқушы белсенді әрекет ететін сабақ. Оқушы сабақтан жаңа біліммен қатар жақсы әсер алып шықса, мұғалім мақсатына жетті деп ойлаймын.Сабақты жанды өткізудің алғашқы шарты – сыныпта жағымды орта қалыптастыру. Оқушы өзін еркін сезінген кезде ғана сұрақ қойып, пікірін ашық айта алады. Кейбір балалар жауап беруге асықса, енді бірі қателесіп қаламын деп үндемей отырады. Осындай кезде мұғалімнің бір ауыз жылы сөзі мен қолдауы баланың өзіне деген сенімін арттыруы мүмкін. Меніңше, қателік үшін оқушыны сынаудан гөрі, қатесін түсініп, дұрыс жауапты өзі табуына мүмкіндік берген пайдалы. Себебі қателес