ДЕМАЛЫС КҮНДЕРІ ЖАҢБЫР МЕН БҰРШАҚ ЖАУАДЫ

23-25 маусым аралығында ауа райы салқындауы мүмкін, деп хабарлайды Baq.kz ақпарат агенттігі «Қазгидромет» РМК-ға сілтеме жасап.

Метеорологтардың болжауынша, елімізде аз уақытты үзілістен кейін ауа райы қайтадан салқындамақ.

«Демалыс күндері күн күркіреп, жауын жауады, сонымен қатар екпінді жел соғып, кей жерлерде бұршақ жаууы мүмкін. Республикамыздың басым бөлігінде ауа температурасы төмендейді», - делінген хабарламада.

Қазақстанның батыс бөлігінде күн ысып, бұлтсыз ауа райы болады. Ауа температурасы бұл аймақта 32-37 градус аралығында жылынса, кей жерлерінде 40-43 градусқа дейін ыстық болады.