МЕРЕКЕ КҮНДЕРІНЕ АУА РАЙЫ БОЛЖАМЫ
Атмосфералық фронттардың ықпалынан, сәуірдің соңғы күндерінде кей жерлерде, әсіресе Қазақстанның солтүстігі мен шығыс облыстарында жаңбыр жауады, деп хабарлайды Baq.kz ақпарат агенттігі Қазгидромет сайтына сілтеме жасап.
Оңтүстік, оңтүстік-шығыс, батыс және орталық аудандарға жоғарғы атмосфералық қысым өрісі ықпал етеді, сондықтан тек жеке аудандарда өткінші жаңбыр болуы ықтимал. Бұдан басқа, күндіз оңтүстік және оңтүстік-шығыста, орталықтың кей жерлерінде ауа температурасы 22…33 градусқа дейін жоғарылайды.
Республиканың көпшілік облыстарында 1 және 2 мамырда атмосфералық фронттар ауа райын анықтайтын болады, олармен байланысты найзағайлы өткінші жаңбыр, екпінді жел, сондай-ақ ауа температурасының төмендеуі күтілуде.
