Шымкентте көз жұмған 18 жастағы мектеп түлегінің менингококк инфекциясын жұқтырғаны расталды, деп хабарлайды Оңтүстік Қазақстан облысының денсаулық сақтау басқармасына сілтеме жасап Stan.kz.

Зертханалық зерттеу нәтижесі бойынша мектеп түлегінің менингококк инфекциясын жұқтырғаны расталды.
«Қазіргі уақытта қайтыс болған пациентпен байланыста болған адамдарды тексеріп жатырмыз», – дейді денсаулық сақтау басқармасының баспасөз хатшысы.
Естеріңізге сала кетсек, 2000 жылы туылған пациент менингитке күдікпен 15 маусымда таңғы сағат 6:00 шамасында ауруханаға түскен еді. Ол сағат 7:00 шамасында қайтыс болып кеткен.