Сөз өнеріне жетелейтін мамандық

Орыс тілі мен әдебиеті пәнінің мұғалімі – оқушыларға орыс тілі мен әдебиетін оқытып, олардың тілдік сауаттылығы мен әдеби талғамын қалыптастыратын педагог-маман. Бұл мамандық тілді терең меңгерген, көркем ойлай алатын, сөз құдіретін сезінетін және өз білімін өзгелермен бөлісуге дайын жандарға арналған.
Мұғалім оқушылардың тілдік құзыреттілігін дамытып, ауызша және жазбаша сөйлеу дағдыларын қалыптастыруға бағытталған оқу үдерісін ұйымдастырады. Сабақ барысында грамматикалық ережелерді үйретумен қатар, көркем әдебиет арқылы оқушылардың ой-өрісін кеңейтіп, мәдени және рухани құндылықтарды түсінуге жол ашады.
Орыс тілі мен әдебиеті пәнінің мұғалімі оқушылардың жас ерекшеліктерін ескере отырып, оқу үдерісін тиімді жоспарлайды, шығармашылық тапсырмалар мен әдеби талдау жұмыстарын жүргізеді. Мәтінмен жұмыс істеу, өз ойын еркін жеткізу, әдеби кейіпкерлерге баға беру сияқты қабілеттерді дамыту – осы маманның негізгі міндеттерінің бірі.
Бұл мамандық оқушылардың тілге деген қызығушылығын арттырып, олардың коммуникативтік мәдениетін қалыптастыруда маңызды рөл атқарады. Орыс тілі мен әдебиеті пәнінің мұғалімі болу – үздіксіз ізденісті, жоғары жауапкершілікті және кәсіби шеберлікті талап ететін, қоғам үшін аса қажет мамандық.
Ардақ МАХМУТ