МАЛ БАСЫН КӨБЕЙТУ ЖӘНЕ ОНЫ АСЫЛДАНДЫРУ МЕН ӨНІМІН ҰЛҒАЙТУ БАҒЫТЫНДА АТҚАРЫЛҒАН ЖҰМЫСТАРҒА МОНИТОРИНГ ЖАСАЛДЫ
Бүгін «AMANAT» партиясының 2023-2027 ж.ж. арналған Сайлауалды бағдарламасын Қызылорда облысы бойынша іске асыруға бағытталған Жол картасының №22 тармағына сәйкес Мемлекет тарапынан мал басын көбейтуге және оны асылдандыру мен өнімін ұлғайту бағытында атқарылған жұмыстарға байланысты Жаңақорған кентінде орналасқан «Ынтымақ» ЖШС жұмысына партиялық бақылау жасалды.
Мониторинг жұмысына партияның аудандық филиалының төрағасы Арман Мажитов, партиялық бақылау комиссиясы төрағасы Қалдарбек Тұрабаев, аудандық фракция мүшелері мен аудандық ауыл шаруашылығы және жер қатынастары бөлімінің мал шаруашылығын дамыту жөніндегі маманы қатысты.
Атап өту керек, Жаңақорған ауданы бойынша Асыл тұқымды ірі шаруашылықпен жұмыс жасап тұрған 12 шаруа қожалық, қой шаруашылығымен 34 шаруа қожалық бар. Солардың бірі «Ынтымақ» ЖШС. Төрағасы Құтыбаев Рахым Байбосынұлы. Қожалық ет бағытында жұмыс істейді. Қаракөл қойы бағытында. Орман және жануарлар дүниесін қорғау мемлекеттік мекемесінің аумағынан 1000 га, кент балансындағы жерінен 50га жайылымдық жерді құрайды.
