Бүгін «AMANAT» партиясының 2023-2027 ж.ж. арналған Сайлауалды бағдарламасын Қызылорда облысы бойынша іске асыруға бағытталған Жол картасының №22 тармағына сәйкес Мемлекет тарапынан мал басын көбейтуге және оны асылдандыру мен өнімін ұлғайту бағытында атқарылған жұмыстарға байланысты Жаңақорған кентінде орналасқан «Барыс АГро» ЖШС жұмысына партиялық бақылау жасалды.
Мониторинг жұмысына партияның аудандық филиалының төрағасы А.Мажитов, партиялық бақылау комиссиясы төрағасы Қ.Тұрабаев, аудандық ауыл шаруашылығы және жер қатынастары бөлімінің мал шаруашылығын дамыту жөніндегі маманы қатысты.
Атап өту керек, Жаңақорған ауданы бойынша Асыл тұқымды ірі шаруашылықпен жұмыс жасап тұрған 12 шаруа қожалық, қой шаруашылығымен 34 шаруа қожалық бар. Солардың бірі «Барыс АГро» ЖШС. Төрағасы Ұ.Тойымова. Қожалық 2019 жылдан бастап ет бағытында жұмыс істейді. Бүгінде қожалықта 60 ірі қара бордақыланады, 40 жылқы мен 50 уақ мал бар. Оның ішінде «Салмақ» породасы өсіріледі. Орман және жануарлар дүниесін қорғау мемлекеттік мекемсінің аумағынан 1000 га, кент балансындағы жерінен 50га жайылымдық жерді құрайды.