№24 (8838) 5

05 сәуір 2025 ж.

№23 (8837) 1

01 сәуір 2025 ж.

№22 (8836) 29

29 наурыз 2025 ж.

Жаңалықтар мұрағаты

«    Сәуір 2025    »
ДсСсСрБсЖмСбЖс
 123456
78910111213
14151617181920
21222324252627
282930 
» » ҚҰТТЫ ҚОНЫС, ИГІ ДӘСТҮР ЖАЛҒАСЫН ТАПТЫ.

ҚҰТТЫ ҚОНЫС, ИГІ ДӘСТҮР ЖАЛҒАСЫН ТАПТЫ.

Қайырымдылық жасап, қолдау көрсету қазақтың қанында бар iзгi қасиет. Соңғы кездері өңірімізде жастардың көмегімен көпбалалы және аз қамтылған отбасыларға әркез қолдау көрсетілуде.
Соның бірі "AMANAT" партиясының "Бақытты отбасы" жобасы аясында «Жаңарған Жаңақорған Жастары» қоғамдық қорының бастамасымен кәсіпкерлер мен жергілікті тұрғындардың демеушілігімен, сондай-ақ қайырымды жандардың қолдауымен Рамазан айында тұрғызылған 13-ші баспананың кілті Айдаровтар әулетіне табысталды.
«Жақсының жақсылығын айт, нұры тасысын» деген. Қасиетті Рамазан айында құрылысы басталған баспана, айт мерекесінде шын мұхтаж жанға бұйырды.
Көпбалалы әрi мүмкіндігі шектеулі Айдаров Сейiтхан Бақытханұлы қасиетті айда жылы, жайлы баспанаға кіремін деп ойламапты. Қуаныш сәтте көз жасына ерік беріп, барша көмек қолын созған жандарға алғысын жаудырды.
– Баспаналы болу әрбір жанның арманы ғой. Рамазан айында тілегім қабыл болғандай күтпеген жерден тосын сыйлы болдым. Бұл қуанышымды қалай жеткізерімді де білмеймін. Сіздерге айтар алғысым шексіз. Жасаған жақсылықтарыңыз өздеріңізге еселеп қайтсын, – деді баспана иесі.
Бұл бастама әлеуметтік жағдайы төмен отбасыларды қолдауға бағытталған. Қайырымдылық негізінде салынған үй көпшіліктің бірлескен еңбегінің нәтижесі. Жергілікті тұрғындар мен кәсіпкерлер бұл іске белсене атсалысып, баспана құрылысын тез арада аяқтауға мүмкіндік жасады.
Шараға аудан әкімдігі өкілдері, демеушілер мен ауыл ақсақалдары қатысып, жаңа қоныс иелеріне ақжарма тілектерін білдірді.
Бүгінгі қайырымдылыққа кең пейілділік танытып қолдау білдірген барша Жаңақорғандықтарға алғысымыз шексіз! Жақсылық жасаудан жалықпайық құрметтi, жомарт жандар!
04 сәуір 2025 ж. 143 0