"Шарапатты Рамазан": Қайырымдылық жасау асыл қасиет

Жылына бір рет келетін, сауаптары еселеніп берілетін рамазан айында қайырымдылық жасау үлкен сауапты іске жатады. Осындай қайырымдылық жасау мақсатында ауданымыздағы тұрмысы төмен, көпбалалы отбасылар мен мүмкіндігі шектеулі жандарға "Жүрек жылуы", "Игі істер" қайырымдылық марафоны, яғни "Шарапатты Рамазан" атты ауызашар қоржынын тарату шарасын ұйымдастырылды.
Шараға аудандағы Барлық бөлімдер мен мекемелер ат салысты.
Азық - түлік салынған қоржындар аудандық жұмыспен қамту және әлеуметтік бағдарламалар бөліміне жеткізіліп, арнайы көлікпен көмекке мұқтаж отбасыларға таратылып берілді.
Қасиетті айда қайырымдылық көрсету адамгершілік қасиеттің ізгі
бастауы. Демек, қайырымдылық – халқымыздың ең негізгі қасиеттерінің бірі.
Қайырымдылық шарасына ат салысқан барша аудан тұрғындарына ризашылығымызды білдіреміз.